ಸಾಮಥ್ರ್ಯ ಅಭಿವೃದ್ಧಿ ತರವಬೇತಿ ಸಭೆ

Team Kundapur Times / 1 year

ಕುಂದಾಪುರ:ಕೌಶಲ್ಯ ಅಭಿವೃದ್ಧಿ ಉದ್ಯಮಶೀಲತೆ ಹಾಗೂ ಜೀವನೋಪಾಯ ಇಲಾಖೆ,ಕರ್ನಾಟಕ ರಾಜ್ಯ ಗ್ರಾಮೀಣ ಜೀವನೋಪಾಯ ಅಭಿಯಾನ,ಜಿಲ್ಲಾ ಪಂಚಾಯತ್ ಉಡುಪಿ,ತಾಲೂಕು ಪಂಚಾಯತ್ ಕುಂದಾಪುರ ಹಾಗೂ ಸೌಪರ್ಣಿಕಾ ಸಂಜೀವಿನಿ ಗ್ರಾಮ ಪಂಚಾಯತ್ ಮಟ್ಟದ ಒಕ್ಕೂಟ ಹೊಸಾಡು ವತಿಯಿಂದ ಗ್ರಾಮ ಪಂಚಾಯತ್ ಮಟ್ಟದ ಒಕ್ಕೂಟ ಕಾರ್ಯಕಾರಿ ಸಮಿತಿ,ವಾರ್ಡ್ ಮಟ್ಟದ ಹಾಗೂ ಸ್ವಸಹಾಯ ಗುಂಪುಗಳ ಸಾಮಥ್ರ್ಯ ಅಭಿವೃದ್ಧಿ ತರವಬೇತಿ ಸಭೆ ಹೊಸಾಡು ಗ್ರಾ.ಪಂ ನಲ್ಲಿ ಗುರುವಾರ ನಡೆಯಿತು.
ಸಂಜೀವಿನಿ ಒಕ್ಕೂಟದ ತಾಲೂಕು ಅಧ್ಯಕ್ಷೆ ವಿಜಯ ಗಾಣಿಗ ಅಧ್ಯಕ್ಷತೆ ವಹಿಸಿದ್ದರು,ಹೊಸಾಡು ಗ್ರಾ.ಪಂ ಆಡಳಿತಾಧಿಕಾರಿ ರಘುರಾಮ ಶೆಟ್ಟಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.ಅಭಿವೃದ್ಧಿ ಅಧಿಕಾರಿ ಪಾರ್ವತಿ,ಸೌಪರ್ಣಿಕಾ ಸಂಜೀವಿನಿ ಒಕ್ಕೂಟದ ಅಧ್ಯಕ್ಷೆ ವಂದನ ಖಾರ್ವಿ,ತರಬೇತುದಾರ ರೇಖಾ ಮರಾಠಿ,ಆರೋಗ್ಯ ಅಮೃತ ಅಭಿಯಾನ ಸುನೀತಾ,ಎಲ್‍ಸಿಆರ್‍ಪಿ ವಿಮಲಾ,ಸಕಿಯರು,ಪದಾಧಿಕಾರಿಗಳು,ಸಂಜೀವಿನಿ ಸದಸ್ಯರು ಉಪಸ್ಥಿತರಿದ್ದರು.ಎಸ್‍ಎಲ್‍ಆರ್‍ಎಂ ಮೇಲ್ವಿಚಾರಕಿ ಸುನೀತಾ ಮರವಂತೆ ತರಬೇತಿ ನೀಡಿದರು.ಎಂಬಿಕೆ ಚೈತ್ರ ಸ್ವಾಗತಿಸಿದರು.ಎಲ್‍ಸಿಆರ್‍ಪಿ ವಸಂತಿ ನಿರೂಪಿಸಿದರು.ಸವಿತಾ ವಂದಿಸಿದರು.